អេស្ប៉ាញ៖ ខ្សែការពារ Sergino Dest ត្រូវបានគេថារាយការណ៍ថាចង់ផ្ទេរពីក្លិប Barcelona មកកាន់ ក្លិបបិសាចក្រហម Manchester United នៅរដូវក្ដៅនេះ។ Man UTD បានព្យាយាមទិញយក Frenkie De Jong ពី Barcelona តែការចរចាបានជាប់គាំង ប៉ុន្តែក្លិបទាំងពីរនៅតែអាចមានឱកាសធ្វើជំនួញជាមួយគ្នា។ យោងតាមអ្នកកាសែត Fabrizio Romano គឺ Man UTD ធ្លាប់ចាត់ទុក Dest ជាគោលដៅម្នាក់ដែរ។ ឥលូវនេះសារព័ត៌មាន SPORT បានចុះផ្សាយថា ក្លិបទាំងពីរបានចាប់ផ្ដើមការចរចាប្ដូរ កីឡាករគ្នា ដោយឲ្យ Aaron Wan-Bissaka ទៅ Barcelona ហើយយក Sergino Dest មក Man UTD វិញ។អ្នកកាសែត Adrian Sanchez បានបង្ហើបថា Dest ចង់ផ្លាស់មក ទឹកដី Old Trafford ព្រោះគេក៏ធ្លាប់ជាកីឡាករ Ajax និងលេងក្រោមការដឹកនាំរបស់លោក Erik Ten Hag ដែរ។
